Food Blog

Layihə Haqqında

Bu layihə sağlam qidalanmanı asan, təhlükəsiz və müasir şəkildə idarə etmək məqsədi ilə hazırlanmış rəqəmsal platformadır. Platforma vasitəsilə istifadəçilər üçün fərdi 21 günlük sağlam qidalanma menyuları yaradılır və menyular PDF formatında onlayn şəkildə təqdim olunur. Hər bir istifadəçi sistemə şəxsi hesab vasitəsilə daxil olur. Təhlükəsizlik məqsədilə hər istifadəçi üçün aktiv sessiya sistemi tətbiq edilib və eyni anda yalnız bir cihazdan girişə icazə verilir. Bu yanaşma məzmunun icazəsiz paylaşılmasının və istifadəsinin qarşısını almağa xidmət edir. Platformada abunəlik (subscription) sistemi mövcuddur. İstifadəçilər aktiv abunə olduqları müddət ərzində menyulara və xidmətlərə çıxış əldə edirlər. Abunə bitdikdə isə məzmun avtomatik olaraq məhdudlaşdırılır. Hazırlanan menyular müəllif hüquqları ilə qorunur və hər PDF sənədi istifadəçiyə xüsusi məlumatlarla (email və digər identifikatorlar) watermark edilmiş formada təqdim olunur. Bu, həm hüquqi, həm də texniki baxımdan məzmunun qorunmasını təmin edir. Platforma PWA (Progressive Web App) texnologiyası ilə hazırlanıb. Bu sayədə istifadəçilər saytı: Telefona və ya kompüterə tətbiq kimi yükləyə, Offline rejimdə əsas funksiyalardan istifadə edə, Sürətli və rahat istifadə təcrübəsi əldə edə bilirlər. Layihənin Admin Paneli vasitəsilə: 21 günlük menyuların yaradılması və idarə olunması, İstifadəçi və abunəliklərin nəzarəti, PDF sənədlərin təhlükəsiz idarə edilməsi, Veb saytın məzmununun (mətnlər, bölmələr, dizayn elementləri və s.) yenilənməsi tam şəkildə mərkəzləşdirilmiş şəkildə həyata keçirilir. Bu platforma həm istifadəçilər üçün rahat və təhlükəsiz sağlam qidalanma təcrübəsi, həm də administratorlar üçün çevik və idarəolunan sistem təqdim edir.